Իբրահիմովիչ. Ես չգիտեմ, թե արդյո՞ք կսեղմեմ Գվարդիոլայի ձեռքը zlatan-ibrahimovic

автор **Admin** Вт Мар 27, 2012 8:33 pm

Միլանի հարձակվողը՝ Զլատան Իբրահիմովիչը, կիսել է իր ակնկալիքները՝ Բարսելոնաիյ դեմ կայանալիք խաղում՝ Չեմպիոնների լիգայի 1/4 եզրափակիչում:

«Մենք պատրատ ենք այս խաղին, բայց լավ գիտենք, որ մեր մրցակիցը կատարյալ խաղ է ցուցադրում: Բարսելոնան արդեն հինգ տարի է, ինչ համարվում է աշխարհի լավագույն ակումբը: Բայց դա չի նշանակում, որ մենք արդեն պարտվել ենք»,- մեջբերում է Իբրահիմովիչի խոսքերը՝ AS-ը:

«Ես իսկապես չեմ սիրում խաղալ պաշտպանողական ֆուտբոլ, սակայն ինչպես մարզիչն ասում է, այնպես անում ենք: Տեսնենք, թե ինչպես կխաղանք դաշտում»:

«Ցանկանում եմ, որ Բարսելոնան հաղթի Իսպանիայի առաջնությունը: Ես շարունակում եմ շփվել խաղացողներից շատերի հետ, մեզ մոտ հիանալի հարաբերություններ են»:

«Արդյո՞ք կսեղմեմ Գվարդիոլայի ձեռքը: Ես չգիտեմ: Ինչ եղել է, արդեն անցել է. Նա ունի իր խնդիրները, ես իմը»: